💡 ناس كتيرة بتبقى مش معاها غير هاتف وعايزين يتعلموا برمجة ومش عارفين يعملوا إيه؟ فحبيت أشارك معاكم النهارده أفضل 5 تطبيقات لتعلم البرمجة على الهاتف.

 

أفضل 5 تطبيقات لتعلم البرمجة على الهاتف

 

1. Khan academy

 

من أشهر التطبيقات لتعلم البرمجة علي الانترنت وهو تطبيق مجاني 100% ومليء بالدورات وكورسات البرمجة سواء كان في الويب او الهاتف او الألعاب أو أي حاجة تانية،  وتقدر تنزله علي android و ios.

 

2. Udemy

 

Udemy هو تطبيق ملىء بالكورسات في البرمجة وكورسات احترافية جدًا، لكن مش مجاني فيه دورات هتلاقيها مجانية ودا قليل والباقي مدفوع، تقدر تنزله علي android و ios بردوو!.

 

3. Encode

 

تطبيق متوفر لأنظمة الاندرويد فقط، بيقدم دورات في البرمجة لجميع اللغات، والأجمل من كده ان التطبيق فيه تحديات برمجية بتساعدك في التفكير بتعمق والتحديات دي هتطورك بشكل كبير جدًا والأجمل من الميزه اللي فاتت أنك مش لازم تكون متصل بالنت عشان تقدر تستخدم وتتعلم علي التطبيق لو مش متصل بالنت عادي جدًا كل حاجه هتشتغل معاك بدون مشاكل .

 

4. codemurai

 

التطبيق بيوفرلك المئات من الكورسات في تطوير الويب والهاتف والالعاب واشهر الكوسات المتوفرة [ html – css – javavscript – python – typescript  – angular – React ] وقواعد بيانات زي MongoDB، وبعد كل درس بيبقي فيه زي اختبار علي اللي اتعلمته ومتوفر للنظامين android و ios.

💡 تعرف على أفضل 5 محررات لكتابة الأكواد البرمجية من الموبايل.

 

5. Mimo

 

تطبيق بيطور مهاراتك في البرمجة اللي هتساعدك في تطوير تطبيق أو لعبة أو إنشاء موقع ويب وفيه كورسات لتعليم الاختراق ايضًا، وكل مسار انت هتختاره هتلاقي فيه مسار كامل ومترتب ومنظم لتعلم اللغات والمهارات الخاصة بهذا المسار ومتوفر لاجهزة android و ios، ومن أحسن الدورات اللي بيقدمها javascript و Ruby و Swift.

 

 

💡 لا تنسي متابعتنا على مواقع التواصل الإجتماعى لمعرفة كل جديد من مقالات وكورسات فى البرمجة.