💡 فى أوقات كتيرة بنبقى محتاجين نتمرن أو نكتب أكواد برمجة ومش معانا غير هاتف! عشان كده فى المقالة دى هشارك معاكم أفضل 5 محررات لكتابة الأكواد البرمجية على الهاتف.

 

أفضل 5 محررات لكتابة الأكواد البرمجية على الهاتف

 

1. Codeanywhere

 

هو محرر لنصوص البرمجة تم تصميمه واعداده ليكون خفيف وسريع في الاستخدام ومناسب للموبايل وبيسمحلك الاتصال بحساب

FTP و  dropbox و Github والتعامل بسهولة مع المجلدات والملفات.

 

2.Anwriter

 

هذا التطبيق بيساعدك في كتابة اكواد البرمجة بسهولة وبيوفر الدعم للاكمال التلقائي لـ html و CSS javascript و php و sql وبيوفر دعم للاصدارات الجديدة لـ HTML5 و CSS3 و Jquery ويدعم الـ FTP اللي عن طريقه ممكن تنزل ملفات من خادم FTP وارسال الملفات الي الخادم ايضًا.

وبيسمحلك التطبيق برضو بمعاينة صفحات الويب داخل التطبيق بسرعة وبسهولة، مش محتاج تفتح متصفح عشان تعمل معاينة للكود.

 

3. Quick edit

 

هو محرر نصوص سريع ومستقر وكامل المميزات لأجهزة الأندرويد وأداءها عالي والاستجابة كويسة لو قارنته بباقي المحررات الموجودة علي Google play، وتقدر تستخدمه كمحرر نص أو محرر للتعليمات البرمجية .

وبيسمحلك التطبيق بالوصول الي الملفات من مجموعة الملفات اللي فتحتها أو ضيفتها قبل كدة وتقدر تبحث وتنزل ملفات من FTP و  dropbox و ،Github وتقدر تكتب أكواد لأكثر من 40 لغة برمجة ويقدر يحرر ملفات علي اجهزة الـ root.

💡 تعرف على أفضل 5 تطبيقات لتعلم البرمجة من الموبايل.

 

4. Quoda

 

هو بيئة تطوير متكاملة IDE شبيه بال Textmate و sublime وفيه دعم كامل لخوادم FTP والتخزين السحابي عن طريق Dropbox و Google drive وفيه ميزه إكمال تلقائى للكود واكتشاف الاخطاء وعمل Format للكود ، التطبيق ده هيفيدك جدًا.

 

5. Dcoder

 

هو بيئة تطوير متكاملة IDE أيضًا مصمم مخصوص لكتابة أوامر البرمجة عن طريق الهاتف، وفيه كل الادوات اللي هتحتاجها لكتابة الاكواد، وفيه Format للكود، والـ output للكود في نفس الشاشة يعني تكتب الاكواد هتلاقي نتيجة الكود تحتها،

لكن اللي بيفرق التطبيق ده علي تطبيق Quoda إن البرنامج ده بيعمل compile للكود عن طريق واجهات برمجة التطبيقات السحابية عشان كده متقدرش تعمل اي حاجه لو هاتف مش متصل بالنت.

 

💡 لا تنسي متابعتنا على مواقع التواصل الإجتماعى، للمزيد من المقالات.