💡 تعرف على مميزات لغة الـ JavaScript.

 

مميزات مكتبة الـ Jquery

 

 

1) مُستخدمة على نطاق واسع

 

 مكتبة الـ Jquery مشهورة ومعروفة عند مطورين مواقع الويب، لأنها مكتبة سهلة وبسيطة فى الإستخدام، ولو حبيت تتعلمها هتجد مصادر كثيرة على الإنترنت مش زى مكتبات أخرى المصادر الخاص بيها قليلة،

على سبيل المثال، لو عايز مقتطفات للكود هتجد مقتطفات كثيرة جدًا، لو قابلك مشكلة وعايز تعرف حلها هتجد حلول كثيرة، لو عايز documents هتجد وكثيرة كمان، من الأخر أى حاجه أنت محتاجها هتلاقيها مش هيكون ناقصك أى حاجه.

 

2) بسيطة وسهلة

 

لو سألت أى مطور ويب وقولتله أسهل وأبسط مكتبة إيه؟!

هيقولك مكتبة الـ Jquery! لأنها سهلة التعلم والفهم، والمكتبة إتبنت بإستخدام أكواد ورموز بسيطة وقصيرة وهتوفر عليك وقت كبير بدل ما تفضل تكتب 50 سطر بالـ JavaScript عن طريق الـ Jquery ممكن تكتبها فى سطرين تلاتة.

 

3) توافق المتصفح

 

من أهم مميزات مكتبة الـ Jquery ، لو أنت بتستخدم JavaScript فقط، فبيحصل مشاكل وأخطاء فى المتصفحات كثيرة، لأن ممكن تجد فى إصدار معين الإصدار بيتعامل بشكل جميل جدًا مع JavaScript وفى إصدار تانى تجد مشاكل وأخطاء لا نهائيًا!

لكن مع مكتبة الـ Jquery مش هيحصل أى مشاكل من النوع ده لأن تم التعامل مع معظم المشاكل اللى بتحصل فى المتصفحات عند إستخدام JavaScript، ودا طبعًا هيريحك + موقعك هيشتغل على كل المتصفحات بنفس الكيفية وبدون مشاكل.

 

4) Clean syntax

 

مكتبة الـ Jquery بتستخدم بنية قوية ونظيفة وبسيطة بتسهل إختيار عناصر الـ ( DOM ( Document Object Model على صفحة الويب اللى عايز تغيرها عن طريق JavaScript وبتخليك قادر على ربط التأثيرات والإجراءات مع بعض للحصول على تعليمات برمجية فعالة + الإصدار 3 من CSS مكتبة الـ Jquery بتسخدمها من أجل تحديد العناصر (وبقولك كده عشان أنت مش محتاج تتعلم syntax جديد وأنت هذه اللغة).

 

5) خفيفة الوزن

 

مطورين مكتبة الـ Jquery حاولوا يخففوها فحذفوا معظم الـ Functions ونقلوا Functions ثانية كمكونات إضافية، وبهذه الطريقة حافظوا على المكتبة وأصيحت خفية وسريعة فى الإستدعاء + المكتبة مساحتها 24 كيلوبايت يعنى مش محصلة مساحة صوره فى الموقع، وبسبب الميزة دى معظم الشركات بدأت تستخدمها.

 

6) مفتوحة المصدر

 

مكتبة الـ Jquery مفتوحة المصدر ومجانية + مدعومة بشكل كبير جدًا من قبل تطبيقات مختلفة، وهذه الميزة ساعدت أى شخص يستخدم المكتبة فى تطبيقاته بدون مشاكل تتعلق بالتراخيص والتوافق، والأجمل إن تم دمج مكتبة الـ Jquery فى visual studio 2010 بواسطة Microsoft.

 

7) تحميل الصفحات بشكل أسرع

 

تستخدم محركات البحث مثل Google وقت تحميل الصفحة كعامل رئيسي عند تصنيف مواقع الويب، عشان كده كل مطور ويب بيسعى لضمان أن يكون الكود الخاص به موجز وخفيف قدر الإمكان + غالبًا بيتخزن ملفات الـ Jquery بشكل منفصل عن صفحة الويب نفسها، ودا أيضًا بيسمح للمطورين بعمل تعديلات على موقع الويب بالكامل بإستخدام مستودع مركزى واحد.

 

💡 ودوول أشهر مميزات مكتبة الت Jquery.

 

💡 لا تنسي متابعتنا على مواقع التواصل الإجتماعى للمزيد من المقالات.