💡 تعرف على مسار مبرمج تطبيقات الأيفون بالكامل.

 

السلام عليكم ورحمة الله وبركاته، إزيكوا يا programmers ؟ ناس كتير عايزة تدخل مجال برمجة تطبيقات الأيفون، لكن مش عارفة إيه الحاجات اللى مفروض تعملها قبل ما تبدأ؟ وأنا فى المقالة دى عشان أقولك كل حاجه أنت محتاجها عشان تدخل عالم برمجة تطبيقات الأيفون.


 

1. جهاز MAC

 

دى أول حاجه أنت محتاجها “جهاز ماكنتوش” دى حاجه أساسية لمبرمج أو مبرمج تطبيقات الأيفون، متقدرش تعمل أى حاجه أو تكتب سطر برمجى واحد من غيره، أنت هتقولى دلوقت ما أنا ممكن أنزل نظام ماكنتوش على جهازى الويندوز عن طريق الأنظمة الوهمية virtual machines، عادى مفيش مشكلة –  لكن المشكلة فى حاجه واحده إنك مش هتعرف تشتغل براحتك والجهاز هيهنج منك لأنك دلوقت مشغل نظامين على جهاز واحد فأكيد الجهاز مش هيستحمل وهيهنج، فالأفضل إنك تشترى جهاز mac لو مش معاك.

 

💡 لو أنت مش معاك الميزانيه أنك تشترى جهاز mac، فنزل نظام ماكنتوش على جهازك لحد ما ربنا يكرمك وتشتريلك واحد بإذن الله.


 

2. تنشأ حساب ليك على Apple developer

 

أى شخص ممكن يسجل عادى جدًا مش لازم تدفع فلوس عشان تسجل كمطور عند شركة Apple، عن طريق تسجيلك عند أبل كمطور بتديك صلاحية إنك تنزل برنامج Xcode اللى هنتكلم عليه فى النقطة الجايه، وبتسمحلك إنك توصل للوثائق والموارد التقنية وحاجات كتير جدًا.


 

3. تحميل برنامج Xcode

 

برنامج Xcode هى الأداة الوحيده اللى محتاج تنزلها، وهو بيئة تطوير متكاملة IDE بتوفرها apple ليك، هذا البرنامج بيوفر ليك كل حاجه أنت محتاجها عشان تطور تطبيقات الأيفون من محرر واجهة مستخدم UI وأدوات تصحيح الأخطاء وحاجات تانية كتير.


 

وبس دوول الـ 3 حاجات اللى أنت محتاجها قبل ما تبدأ فى برمجة تطبيقات الأيفون.

 

💡 نصيحة: لو كان الأنجليزى بتاعك ضعيف شويه، حاول تطور من نفسك لأن معظم المصادر اللى هتلاقيها عشان تتعلم برمجة تطبيقات الأيفون بالإنجليزى.


 

💡 لا تنسي متابعتنا على مواقع التواصل الإجتماعى، لمعرفة كل جديد أول بأول.