البرمجة فى رمضان

السلام عليكم ورحمة الله وبركاته، كل سنة وانتوا طيبين و رمضان كريم عليكوا ، حبيت أعمل حاجه مختلفة محدش اتكلم عنها قبل كده وهيا “البرمجة فى رمضان” أشخاص كثيرة من المبتدأين بتطنش البرمجة فى رمضان ومش بتعرف تنظم وقتها السبب إيه مش عارف؟! يمكن عشان بنبقى تعبانين ومرهقين شويه؟! على أى حال فى المقالة دى هقولك على خريطة تتبعها طول شهر رمضان ، الخريطة ممكن تغيرها على حسب إهتماماتك لكن فى حاجات أساسية مينفعش تغيير فيها، كفاية رَغى لحد كدا ويلا بينا نبدأ فى الخريطة بتاعتنا.

الخريطة هتبدأ من (بعد الفجر):

أنت خلاص إتصحرت وصليت الفجر ، الوقت بعد الفجر دا بيبقى فيه بركة بدرجة رهيبة وعقلك بيبقى بكامل تركيزه فحاول تستغل الوقت فى تعلم لغات برمجة جديده، أو لو أنت بتتعلم لغة برمجة جديدده بالفعل ولسه مش داخلها دماغك ومش فاهمها راجع عليها فى الوقت ده ، لأن تركيزك بيبقىى عالى وهيستوعب أى معلومة مهما كانت صعوبتها.

فَرضا أنت قعدت من بعد الفجر للساعة 8 أو 8 ونص كويس جدا جدا => دا كان أول جزء من اليوم (إنك تقعد من بعد الفجر للساعة 8 أو 8 ونص).

خلصت الساعة 8 أو 8 ونص زى ما قولتلك ناملك شويه لحد صلاة الظهر، صلى الظهر وبعد كده ندخل فى الجزء التانى من يومك (من بعد صلاة الظهر): 

من بعد الظهر لحد العصر بيبقى تركيزك لسه 50% إستغل الـ 3 ساعات دوول إنك تتطبق على اللى اتعلمته الصبح ، إعمل شويه tasks بسيطة أو مشروعين صغيرين عشان تثبت المعلومات اللى اتعلمتها الصبح ومتنساش.

خلصت الـ 3 ساعات وصليت العصر منصحكش نهائيا إنك تعمل أو تتعلم أى حاجه لأن تركيزك بيكون قليل جدا ومش هتقدر تستوعب حاجه ومتحاولش عشان مش تطيع وقتك على الفاضى، حاو لتستغل الفترة دى إنك تقرأ قرأن أو تروح تنام فى المسجد شويه وهكذا.

فطرت وريحتلك شويه وصليت التروايح ، نبدأ ندخل على الجزء الثالث والأخير من بعد صلاة التراويح:

حاول تستغل الوقت من بعد صلاة التراويح للساعة 12 أو 1 إنك تزود من مهاراتك كمبرمج عشان تزود من قيمتك فى سوق العمل، على سبيل المثال تتعلم التعامل مع Git&Github أو التعامل مع الـ API وهكذا، أو ممكن تكمل فى اللغة اللى أنت كنت بتتعلمها الصبح عشان أنت بتبقى فطرت ومركز ، إختار اللى يريحك.

وبس دى أنسب خريطة ممكن تمشي عليها طول شهر رمضان، ممكن تظبط أنت خريطك على حسب إهتماماتك مش لازم دى خالص.

💡 لا تنسي متابعتنا على مواقع التواصل الإجتماعى.