عيوب لغة JavaScript

💡 تعرف على مميزات لغة JavaScript.

عيوب لغة JavaScript

1) الأمان من جانب العميل (المستخدم)

زى ما أنت عارف أكواد الـ JavaScript بتشتغل من جانب العميل، فنقطة إن الكود بيتعمله run من جانب العميل بيأثر بالسلب لأن الأخطاء بتبقى ظاهرة علنى لأى حد، فالهاكرز بيستغلوا النقطة دى وبيخترقوا المواقع، فـ ناس كتير بتفضل تعطيل JavaScript تمامًا.

2) دعم المتصفح  

JavaScript فى أوقات بتفسر أو بتعمل interpreted بشكل مختلف فى المتصفحات المختلفة، ودا بيأدى إلى عدم الإتساق من حيث الوظائف والواجهة، والمشكلة إن لغة JavaScript بتعمل معالجة للمتصفحات عن طريق عناصر الـ DOM ، وفيه متصفحات بتمنح نوع مختلف للوصول للكائنات objects وتحديدًا متصفح Internet Explorer اللى مزهقنا. 

3) تعطيل JavaScript

فيه ناس كتيرة بتعطل JavaScript من اعدادات المتصفح، وبدل JavaScript إتعطلت فى المتصفح أيًا كان بديهى أكوادها مش هتشتغل نهائى، فتخييل معايا أنت كنت عامل موقع مِستخدم فيه JavaScript بنسبة كبيرة وعامل بيها معظم الموقع أو التطبيق والعميل (الشخص اللى بيزور موقعك) معطل JavaScript زى ما قولتلك!

مش عايز أقولك كمية الأخطاء اللى هتطلعلك ! مشاكل وأخطاء كثيرة جدًا ومفيش سطر كود واحد هيشتغل + من الممكن عن طريق هذه الأخطاء الهاكرز يخترقوا الموقع بسهولة ودا من أكبر العيوب الموجوده فىلا JavaScript وفيه حلول للنقطة دى هنتكلم عليها فى مقالات قادمة.

4) بطيئة نسبيًا

هذا العيب بالنسبة للأشخاص اللى نظام تشغيلها 32bit: لو أنت متعرفش أحب أعرفك لغة JavaScript بتخزن بيانتها كـ 64bit ومعظم المستخدمين بيستعملوا 32bit، فـ JavaScript لما بتشتغل على نظام 32bit بتضر إنها تحول البيانات من 64bit لـ 32bit، فعملية التحويل بتاخد وقت وبتزود من وقت تشغيل الت script.

💡 دوول أشهر 4 عيوب موجودين فى لغة JavaScript.

💡 لا تنسي متابعتنا على مواقع التواصل الإجتماعى للمزيد من المقالات.