السلام عليكم ورحمة الله وبركاته، قبل ما أقول أى حاجه مفيش مبرمج فى العالم محصلهوش إحباط فى بداية مشوارة، و دى حاجه أكيده، فمتقلقش ، هقولك فى المقالة على بعض الحقائق اللى هتحفزك وهتعالج الإحباط ده.

 

حقائق ستحفزك على تعلم البرمجة

 

1. البرمجة أصبحت من أهم المهارات المطلوبة بشدة وبقوة فى سوق العمل سواء كان السوق المحلى أو العالمى، والإقبال الكبير فى الفترة الأخيرة دى لأن البرمجة هى لغة الحاضر والمستقبل أيضا.

 

2. تقدر تبدأ بالتعلم وحدك، مش محتاج تروح لمدرس أو تروح الجامعة عشان تتعلم، كل حاجه متاحة قدامك إنك تتعلم مباشرًا.

 

3. تعلم الأساسيات مش هياخد وقت كبير منك، هتواجهك شويه صعوبات فى البداية لكن بعد كده كل الأمور هتبقى تمام معاك، وعلى فكرة مش فى مجال البرمجة بس فى كل المجالات الموجوده فى العالم لازم يواجهك صعوبات ودروبات فى البداية (مفيش حاجه بتيجى بالساهل).

 

4. البرمجة بتديك حرية أكبر فى العمل مش لازم تصحى كل يوم من الساعة 7 الصبح عشان تروح الشغل والكلام ده، أنت ممكن تشتغل فى مكان يريحك من البيت أو الشارع أو الكافية محدش يقدر يمنعك نهائيًا.

 

5. مش محتاج يكون معاك شهاده علمية عشان تشتغل، معظم الـ programmers وخاصًا المحترفين لم يذهبوا إلى الجامعات ، كلهم إتعلموا فى البيت، ودلوقت التعلم أصبح أسهل والمصادر بقت أكتر.

 

6. المبرمجين أصحاب أعلى الرواتب فى العالم، بتوصل مرتباتهم إلى أرقام خيالية، و دى أكتر نقطة ممكن تديك حافز كبير ، تقدر تعيش حياه سعيده بفضل البرمجة (حِب البرمجة والفلوس هتيجى لوحدها). 

 

💡 حاجتين تحطهم فى دماغك دائمًا:

 

  1. أغنى شاب فى العالم هو Mark Zuckerberg وهو مؤسس موقع facebook، وصاحب موقع Instagram وتطبيق Whattsapp مؤخرًا.
  2. أغنى رجل فى العالم هو Bill gates وهو مؤسس شركة Microsoft.

 

💡 لا تنسي متابعتنا على مواقع التواصل الإجتماعى، للمزيد.