من هو الـ front-end developer ؟

 

هو شخص يدير تطوير (الواجهة الأمامية) وهو كل ما يراه المستخدم في المتصفح أو التطبيق الخاص بهم (صور – نصوص – خلفيات – ..إلخ)، ويعد مطورو الواجهة الأمامية مسؤولين عن الشكل والمظهر الخارجى للموقع Interface.

 

– يركز تطوير الواجهة الأمامية في الغالب على كل ما يخُص ( المستخدم ) من تطوير ومظهر، ويشارك مطورو الواجهة الأمامية في تحليل تطبيقات الكود والتصميم والتصحيح مع ضمان تجربة مستخدم.

 

 

لغات مطور الواجهة الأمامية FRONT END 

 

– يستخدم مطور الواجهة الأمامية 3 لغات بشكل أساسى، وهم :

  1. HTML.
  2. CSS.
  3. Javascript. 

 

 

– بعد إنتهائك من اللغات 3 السابقة، يمكنك تعلم مكتبة الـ Jquery المبنية على لغة الـ JavaScript، لإضافة مميزات وحيوية لتصميمك وتوفير الجهد (بدل ما تكتب 100 سطر بـ JavaScript، ممكن تكتب سطر واحد بالـ Query وبينفذ نفس الـ action.

 

وتقدر تتعلم (إطار عمل Framework) مثل Bootstrap بتديك components تقدر تستخدمها مباشرًا فى موقعك ، وبتساعدك كمان فى جعل تصميمك متجاوب (Responsive) يعنى يشتغل على جميع أحجام الشاشات (شاشة الكمبيوتر – الهاتف – الأيبات) بدون ما يبوظ التصميم.

 

ولو أنت عايز تبقى محترف فعلا  إتعلم إطار عمل من دول (VueJS أو ReactJs أو Angular) هذه أُطر عمل مبنية على الـ JavaScript موفرة للوقت والمجهود وبها مميزات كثيرة، مش شرط تتعلم 3 ، شوف سوق العمل محتاج إيه واتعلمه.

 

 

مُلاحظة: UI/UX designers هم مطورو الواجهة الأمامية بيركزوا على واجهة المستخدم UI وتجربة المستخدم UX، يقوم مصممو واجهة المستخدم UI بتعقب الجوانب المرئية لتصميم الموقع، و مصممو UX يقوموا بإجراء اختبارات متعددة للمستخدمين لضمان عمل الموقع بشكل سلس ومتجاوب مع المستخدمين.

 

✔ تعرف على مسار مصمم الويب web developer بالكامل.

 

Back End Development

 

يشير تطوير الـ back-end إلى إتقان لغات البرمجة التى يتم عرضها جانب خادم التطبيق أو موقع الويب، وهو كل ما يتصل بين قاعدة البيانات DB  والمتصفح Browser.

 

يركزمطورالـ Back End بشكل أساسي على كيفية عمل الموقع، وهو من يقوم بإجراء التحديثات والتغييرات بالإضافة إلى مراقبة أمن ووظائف الموقع.

 

 

لغات مطور الـ BACK END 

 

– يعرف الكثير من مطوري الواجهة الخلفية لغات الواجهة الأمامية مثل:-

  • HTML.
  • CSS.
  • Javascript.

 

💡 مش لازم تتعلمهم، لكن لو إتعلمتهم أفضل ليك وبتزود من قيمتك فى سوق العمل.

 

 

– أشهر اللغات الخاصة بالـ Back-end هى :

  • PHP.
  • Python.
  • Ruby on Rails.
  • Asb.net.
  • Java.

 

💡 لازم يكون عندك معرفة جيدة بلغة واحدة مش لازم تتعلمهم كلهم، وأرجع وأقول شوف سوق العمل محتاج إيه واتعلمه.

 

 

– مطور الـ back-end لديه معرفة أيضا ببعض قواعد البيانات مثل :

  • mySQL.
  • SQL Server.
  • PostgreSQL.
  • MongoDB.
  • Oracle.

 

 

الزتونة

 

  • مطور الـ Front-end يبنى كل ما يظهر للمستخدم.
  • مطورالـ Back-end (ما وراء الكواليس) يبنى كل شىء لا يراه المستخدم + يتحكم فى كيفية عمل موقع الويب بالكامل.
  • لإنجاز مهمة الـ Back End يجب استخدام أى لغة من اللغات التى تم ذكرها مع قاعدة بيانات.🤷‍♂️
  •  يركز مطورو البرامج في النهاية على استجابة الموقع وسرعته Performance.

 

 

✔ تعرف على مسار مطورالويب بالكامل Full stack developer.

 

 

Quote This Article: ” Be Patient, when you learning programming. “

 

 

👈 لا تنسي متابعتنا على مواقع التواصل الإجتماعى.