زى ما أتكلمنا على مميزات لغة بايثون، هنتكلم أيضًا على عيوب لغة بايثون ، قليل جدًا لما تلاقى حد بيتكلم عن عيوب لغة كله بيتكلم عن المميزات ، حبيت فى المقالة دى أعكسها وأقول العيوب 😃


 

عيوب لغة بايثون

 

1. استهلاك الذاكرة

من اشهر العيوب الموجودة في لغة بايثون هى إستهلاك الذاكرة بسبب مرونة انواع البيانات فإستهلاك الذاكرة عالي جدًا، لو انت بتدورعلي الذاكرة الكثيفة فمنصحكش انك تستخدم لغة بايثون في هذا المهمة.

 

2. الاخطاء وقت التشغيل

مبرمجين كتير من اللي بيستخدموا وبيشتغلوا بلغة بايثون اجتمعوا علي المشاكل المتعلقة بتصميم اللغة، ولأن اللغة مكتوبة dynamic فمعظم الاخطاء مبتظهرش غير وقت تشغيل الكود (run time error).

 

3. قواعد البيانات 

فيه قيود كثيرة بتفرضها لغة بايثون للوصول والتعامل مع قواعد البيانات علي عكس لغات تانية زي PHP بتديك كل الصلاحيات، لغة بايثون متخلفة الي حد ما في النقطة دي والمشكلة أثرت علي الشركات اللي محتاجه سلالة مع البيانات المعقدة القديمة فبالتالي الشركات الكبيرة لا تُفضل إستخدام لغة بايثون.

 

4. تطوير الهاتف

بايثون من اللغات اللي مش كويسة في تطويرالهاتف وضعيفة للحواسب المتنقلة، لأن لو جيت تشوف عدد التطبيقات الهاتف اللي اتعملت بلغة بايثون هتلاقيها قليلة جدًا، فـ لوأنت عايز تتعلم لغة بايثون عشان تتطور أو تعمل تطبيقات للهواتف فمنصحكش بيها.

 

5. السرعة

لغة بايثون بطيئة نسبيًا مقارنًا بلغة ++C و C، لكن أكيد مننكرش إن لغة بايثون مستواها أعلي من ++C و C لكن النقطة اللي ميزت لغة ++C و C عن بايثون هي السرعة.

 

6. صعوبة استخدامها مع لغات اخري

لغة بايثون صعب تستخدمها مع لغات تانيه علي عكس لغة زي php تقدرتستخدمها مع اكترمن لغة بسهولة فـ حتتة انك متقدرش أو صعب إنك تستخدم لغة بايثون مع لغات تانية دي حاجة مستفزة جدًا.

 


 

💡 لا تنسي متابعتنا على مواقع التواصل الإجتماعى، للمزيد من المقالات والكورسات.