السلام عليكم ورحمه الله وبركاته، إزيكوا يا Programmers؟ لغة بايثون Python فى الفترة الأخيرة مستحوذه على السوق ، فحبيت أتكلم فى المقالة دى عن مميزات لغة بايثون، كفاية كلام ويلا بينا ندخل فى المميزات على طول.


 

مميزات لغة بايثون Python

 

1. مجانية ومفتوحة المصدر

لغة بايثون مجانية 100% مش محتاج تشترك أو تدفع فلوس عشان تشتغل بيها زى بعض اللغات الأخرى + جميع الأدوات الخاصة بلغة بايثون متاحة للإستخدام مباشرًا، يعنى اللغة بتقولك أنا مش عايزه منك حاجه، إتعلمنى بس.

 

2. كود اقل

الصيغة المكتوب بها لغة بايثون بسيطة جدا ومطورين اللغة مستخدمين اللغة الانجليزية المعروفة أو العامة، اللغة بتتعامل معاك زي اكنك بتتعامل أو بتكلم مع واحد بالبلدي، والنقطة دى اللي خلت اللغة اكثر سهولة،

فيه لغات عشان تكتب فيها function معينة ممكن تكتبها في 10 سطورعن طريق بايثون ممكن تكتبها في سطرين تلاتة والميزة دي بتدي لبايثون كفاءة اكبر.

 

3. بتاعة كُله

كود بايثون بالكامل مكتوب بنظام واحد؛ يعني هتتشتغل علي windows زي ماهتشتغل علي الـ mac زي ماهتشتغل علي linux، أوعلي اي نظام اي كان مش محتاج إنك تعدل في حاجه.

 

4. Clean code

الكود الخاص بلغة بايثون نظيف جدًا، والكود سهل للقراءة والشغل عليه بسهوله + الوحدات (Units) منظمة بشكل منسق علي عكس لغات تانية كتير الكود بيبقي داخل في بعض ومش مفهوم وصعب للقراءة والتعامل معاه.

 

5. سهلة التعلم

اي مطورمبتدأ ممكن يتعلمها لان الكود الخاص بلغة بايثون سهل للقراءة وتقدر تنفذ Function معقدة بسهولة جدًا بيها بفضل المكتبة القياسية عشان كده كتير من المطورين بدأوا يستخدموها.

 

6. مشهورة عالميًا

معظم الشركات العالمية بتستخدم لغة بايثون وأشهرهم [ Google – Yahoo – Nasa – Nokia ]  وغيرهم من الشركات بيفضلوا استخدام لغة بايثون.


 

💡 حاجات جانبية اعرفها عن لغة بايثون :

  1. بايثون تدعم قواعد بيانات مختلفة زي sql  و oracle.
  2. بايثون توفر المكتبات وأطر عمل كتيرة واشهرهم django.
  3. لغة بايثون تستخدم البرمجة الكائنية OOP.
  4. التعديل مستمر على اللغة  والـ community الخاص بلغة كبير.
  5. هياكل البيانات سهلة جدًا للاستخدام.
  6. لغة بايثون منتجة وسريعة.

 


 

💡 وبس دوول أهم وأشهر مميزات لغة بايثون، يارب تكون إستفدت، لا تنسي متابعتنا على مواقع التواصل الإجتماعى.