مواقع لازم تعرفهم بصفتك مبرمج أو مطور

💡 السلام عليكم ورحمه الله وبركاته، إزيكوا يا programmers؟ أشخاص كثيرة من المبرمجين بيسألوا السؤال ده “أنا عايز أكون متابع للبرمجة والتحديثات الخاصة بلغات البرمجة وأكون متابع للتقنية عمومًا؟ إيه المواقع أو المصادر اللى هتقدر تفيدنى فى النقطة دى؟!”

– متقلقش فى هذه المقالة هتتعرف على أشهر و أحسن المواقع اللى هتساعدك بنسبة كبيرة جدًا فى النقطة دى، كفاية رَغى ويلا بينا نبدأ.

1) Reddit

موقع reddit عباره عن community بيناقشوا فيه مواضيع كثيرة خاصًة فى تطوير اللغات والمكتبات والأُطر + يوميًا بينزلوا الأخبار الخاصة بالبرمجة والتقنية عمومًا،  لو أنت فى المواصلات وعايز تستفيد من الوقت ده، أو قاعد فاضى فتقدر فى ربع ساعة تعرف كل حاجه جديده نزلت بسهولة جدًا.

والميزة الأجمل فى موقع reddit إن لو قابلتك مشكلة وأنت بتنفذ أى فكره برمجية ومش عارف تحلها فتقدر تطرح هذه المشكلة على مبرمجين على الموقع وهيساعدوك فى حلها وهيفهموك إزاى لما يقابلك مشكلة زى دى تتعامل معاها بسهولة. 

2) Hacker news

موقع Hacker news من أفضل المواقع للمطورين بالذات ، لو أنت مطور فـ أى حاجه أنت محتاجها هتلاقيها، لو محتاج أدوات عشان توفر وقت وجهد ليك هتلاقى + لو محتاج أخبار عن المطوريين هتلاقى، أى حاجه محتاجها من الأخر بصفتك مطور بالذات هتلاقيها.

3) StackExchange

تانى أكبر community بعد موقع reddit، موقع stackexchange بيهتم بكل حاجه خاصة بالتكنولوجيا عمومًا، لكن من أكبر الـ community الموجوده على الموقع هتلاقيها فى تطوير الويب و تطوير أنظمة إدارة المحتوى CMS مثل WordPress، وتطوير الألعاب.

💡 لو كنت بتبحث عن مبرمجين يكون عندهم حماس وخبره فى البرمجة عشان ينقلولك الحماس والخبرة دى فموقع stackexchange أفضل مكان.

4) StackOverflow

موقع stackoverflow شبيه جدًا بموقع الأسئلة والأجوبة Quora ولكن بشكل مختلف شويه وأحسن للمبرمجين زالمطورين، وموقع stackoverflow عبارة عن community كبير على الإنترنت بيوفر إجابات وحلول لمشاكل كثيرة جدًا،

على سبيل المثال لو قابلك مشكلة وأنت بتبرمج function معينة ومش عارف تحلها، فتقدر بسهولة تبحث عن حل للمشكلة اللى واجهتك وهتجد حلول كثيرة للمشكلة اللى واجهتك وإجابات مُفصلة.

5) Google developer

Google حاولت تساعد developers مثل ما بتساعد الفئات الأخرى فعملت منصة Google developer ، فى هذه المنصة هتجد برامج تعليمية إحترافية وأدوات هتساعدك بصفتك مطور ، ولو محتاج تتمرن فهتلاقى تمارين كثيرة جدًا ، أى شىء أنت محتاجه لمشاريعك هتلاقيها عليه.

6) GitHub

موقع GitHub بمثابة كنز للمبرمجين والمطورين ، GitHub عبارة عن مستودع فيه مشاريع برمجة لا تُعد ولا تُحصى من مواقع ويب وتطبيقات وألعاب وتطبيقات سطح مكتب وكل المشاريع دى open source يعنى تقدر تعمل فيهم كل اللى نفسك فيه + إنك تقدر تسضيف مشاريعك على الموقع وتخلى أى شخص فى العالم يـ contribute معاك فى المشروع.

💡 دوول أفضل 6 مواقع لازم تكون عارفهم بصفتك مبرمج أو مطور، لا تنسي متابعتنا على مواقع التواصل الإجتماعى لمعرفة المزيد.