💡 تعرف على فوائد تعلم البرمجة.

 

عيوب لغة HTML

 

ثابتة:

 

لغة HTML ثابتة واحد هيقولي دلوقت يعني إيه ثابتة؟

علي سبيل المثال موقع زى Facebook لو معمول بلغة HTML بس! مش هتعرف تعمل Like او تعمل  comment او share أو اي حاجة تانية علي الموقع هيكون الموقع زي خيال مأته،

فثابت يعني متقدرش تتفاعل معاه نهائيًا علي عكس لغة زى الـ php أو python ديناميك تقدر عن طريقها تعمل مواقع وصفحات تفاعلية المستخدمين يقدروا يتفاعلوا معاها، فجزأ إن اللغة ثابتة مش ديناميكية دي اثرت على مكانتها.

 

التعامل المختلف مع لغة HTML في عرض المحتوي:

 

لو حاولت تعرض نفس الموقع عن طريق اكثر من متصفح مختلف، هتتفاجأ إن الصفحات الخاصة بالموقع هتتعرض بشكل مختلف فى أغلب الاوقات سواء كنت بتستخدم firefox او chrome او IE،

معظم التغيرات بتبقي مش كبيرة بيكون فيه padding اكبر شويه عن التانى أو margin اقل من التاني، وهكذا.

 

المشكلة الاكبر لو انت استخدمت وسم جديد مثلًا في الاصدار 5 ممكن يكون الوسم اللي انت استخدمته ده مش مدعوم في متصفح معين!  ومدعوم في متصفح تاني! ، فحتتة إن فيه وسوم بتشتغل في متصفح وفي متصفح تاني لاء، ممكن يسبب مشاكل في موقعك.

 

غير مُتجاوبة Not-responsive:

 

لغة HTML مش متجاوبة ، بمعني لو مظبط الموقع بتاعك المبني بلغة HTML علي اللاب وشغال وكل حاجة تمام ، حاول تشغل نفس الموقع علي موبايلك أو الأيبات! هتلاقيه دخل في بعضه  والموقع باظ، فلازم عشان تخلي موقعك  responsive ويشغل على كل الأحجام، تتعلم التصاميم المتجاوبة او Bootstrap.

 

HTML بدون CSS زي بيت من غير دهان:

 

دي حاجة أكيده فعلًا حاول تبني موقع بالـ HTML بس من غير CSS وشوف شكل موقعك هيبقي عامل ازاي!؟

هتحس إن مفيش موقع أصلًا، فأحسن تشبيه للغه HTML من غير CSS، زي” بيت من غير دهان ولا محاره”.

 

غير أمنة:

 

الـ security الخاص بلغة HTML مش جيد بنسبة كبيرة جدًا وممكن الموقع يخترق بسهولة جدا، مش زي لغات تانية الـ Security بتاعها عالي ومفيش حد يقدر يخترقها بسهولة.

 

💡 أخر عيب لو انت عايز تكتب أو تبرمج صفحة بسيطة بتاخد سطور برمجية كتيرة ووقت، ولو فيه حاجه محتاجها مرتين تلاتة لازم تكرر الكود مرة واتنين وتلاتة لأإن طبعًُا مفيش في لغة HTML وظيفة للتكرار عشان تعمل loop علي الكود اللي انت عاوز تـ loop عليه. 

 

💡 لا تنسي متابعتناعلى مواقع التواصل الإجتماعى للمزيد من المقالات البرمجية.