فى كل مجال هناك ايجابيات وهناك عيوب ، من الصعب انك تجد مجال كله مميزات أو مجال كله عيوب ، دائما ما يوجد مميزات وسلبيات فى كل مجال، ولذلك سأقوم بعرض اليكم سلبيات مجال البرمجة ، لأن معظم الأشخاص يتحدثون عن ايجابيات مجال البرمجة ولا يتحدثون عن سلبياتها ، أنا مش بأحبطك ولا بكرهك فى مجال البرمجة ،بالعكس أنا عايزك تعرف كل حاجه عن البرمجة سواء مميزات أو عيوب .

 

1. محتاج وقت كبير

 

مجال البرمجة محتاج وقت كبير ومجهود ، معظم المبتدأين عايزين يبقوا محترفين من أول شهر يدخلوا المجال فيه ، وينشؤا مواقع وتطبيقات احترافية مثل التى يشاهدوها يوميا على الانترنت، لكن الشىء الذى لا يعرفه المبتدأين أن الأشخاص الذين أنشأوا هذه المواقع والتطبيقات يتعلمون البرمجة منذ سنين طويلة من التعب والجهد والسهر ، لم ينشأوا هذه المواقع والتطبيقات الكبيره من فراغ ، بل بالتعب والعمل الجاد.

 

مثال بسيط لو أنت اخترت مسار front-End developer فأساسى يجب عليك تتعلم فى البداية HTML ثم CSS ثم Javascript وبعد كل هذه اللغات محتاج تتعلم بعض أطر العمل مثل Angular أو React أو VueJs ، وبالتأكيد لازم تعمل Tasks بهذه اللغات ومشاريع لأنك لو اتعلمت هذه اللغات من غير ما تنشأ مشاريع صغيره واستخدمت فيها اللى اتعلمتة ولا أكنك اتعلمت شىء من قبل ، لازم تشتغل بايدك عشان تغلط وتصحح غلطك وتتعلم منه ومتقعش فى الغلط ده مره أخرى.

 

لك أنت تتخيل الأن عزيزى القارىء ما المده التى ستستغرقها للتعلم ؟ بالطبع هتستغرق وقت كبير ، لكن مش كبير أوى أنت لو حابب المجال وعندك شغف ، هتصل لمكانة عالية فى وقت قصير و تخلص كل هذا فى فتره قصيره لأنك بتعمل حاجه بتحبها فأكيد هتبقى مستمتع بيها ، لكن لازم تقعد فتره عشان تبقى متمكن ومخضرم وعندك خبرات فى المجال، لازم يبقى عندك طول بال وصبر وانت بتتعلم برمجة.

 

والسؤال المضحك هنا : هل الشخص اللى قال ان الصيد بيعلم الصبر كان موجود فى الوقت الذى اكتشف فيه البرمجة ؟؟!

 

2- مجال متغيير

 

نعم ، مجال البرمجة متغيير اذا ما تابعت وعرفت كل جديد و الأشياء والأوامر و Functions الجديده ، لن تجد لك مكان فى هذا العالم الكبير ، لكن كيف ؟

 

لا تخاف عزيزى القارىء سأوضح لك كل شىء ، فى كل لغة برمجة يوميا يحصل تغييرات بها ، مطورين كل لغة برمجة بيحذفوا functions و أوامر قديمة ، وبيضيفوا functions وأوامر جديده من أجل تطوير اللغة الخاصة بهم، الأوامر الجديدة بالطبع بتكون دائما أفضل وفيها مميزات و options هتساعدك أكتر من اللى قبلها ، فاذا لم تتابع وتتعرف على المستجدات فى عالم البرمجة هتكون ورطة بالنسبة لك كمبرمج لأنك ممكن تكون عامل موقع بلغة php مثلا وفيه أمر بيعمل action معينة ومطورين اللغة حذفوا هذا الأمر من اللغة تماما ورفعوا عنها الدعم وأنت لا تعرف بأى شىء ، لتقوم بتغيير الأمر القديم بالجديد ، شىء مؤكد الموقع هيخرب وهيحصل مشاكل لا حصره لها وهتفضل قاعد بالأيام تبحث عن المشكلة فين وهتتعب .

 

💡 لذلك كن منفتح دائما على عالم البرمجة وتعرف على كل جديد وطور من نفسك ، كل معلومة جديده بتعرفها بتزود من قيمتك فى سوق العمل.

 

3- المشاكل الصحية

 

أهم نقطة، أى مبرمج بيقعد على الكرسى بالساعات أمام الشاشة ممكن تصل الى 16 ساعة فى اليوم وهذا بيسبب مشاكل صحية فى فقرات الضهر واعاقات فى الجسم لا حصره لها ، لذلك تجنب هذه المخاطر عن طريق أخذ Break من وقت لأخر وحرك جسمك عشان فقرات ضهرك ميحصلش فيها مشاكل ، الراحة والحركة أيضا بتنشط الدورة الدموية وهتجعلك أكثر تركيز .

 

ويجب أن تقوم بشراء كرسى مريح لجسمك ولضهرك خصوصا ، من على جوميا أو أمازون أو من أى مكان لكن من الأفضل مثل الذى سأتركه لكم فى هذا الرابط وتقدر تشترية بسهولة وسعره مناسب.

 

4. الضغط الذهنى الكبير

 

أى مبرمج بيكون مضغوط بشكل كبير من نيحية العميل لو كان شغال Freelancer أو المدير فى الشغل عشان بيكون العميل ضاغط على مديرك فبالتالى بيضغطك عشان العميل ضغطه وهكذا تسيير الأمور وغالبا المبرمج بيبقى ملتزم بمواعيد تسليم المشروع أو المهمة المطلوبة منه.

 

لذلك يجب عليك كمبرمج يكون لك وقت للراحة ووقت للرياضة عشان تتطلع فيها الطاقة أو الغل اللى جواك سواء تروح الجيم أو تلعب كرة قدم مع صحابك أو سباحة، المهم أنك تلعب أى رياضة ، وعند خروجك من الشركة أو مكان العمل انسى الشغل وانسي مديرك والعميل وكل حاجه تتعلق بالشغل وعيش حياتك عادى جدا واتمتع بيها وحاول أنك توازن بين الشغل وحياتك العائلية.

 

💡 هذه أهم المشاكل أو السلبيات التى يجب أن عليك معرفتها، أتمنى أنك تكون استفدت من هذه المقالة ، واذا لديك أى استفسار يمكنك التواصل عن مواقع التواصل الاجتماعى التويتر و الانستغرام.